Vdiq personi i aksidentuar në Loxhe të Pejës- Çka deklaruan nga Policia

Një person ka humbur jetën si pasojë e plagëve të marra në një aksident trafiku në fshatin Loxhe të Pejës.

Sipas Policisë së Kosovës, aksidenti kishte ndodhur më 18 gusht në mes të dy automjeteve.

Si pasojë e aksidentit, drejtuesit e automjeteve kishin pësuar lëndime trupore. Njëri prej të lënduarve ishte dërguar jashtë territorit të Republikës së Kosovës për trajtim mjekësor.

Pavarësisht trajtimit, për shkak të lëndimeve të rënda, ai ka vdekur më 4 shtator 2026.

Me vendim të prokurorit, trupi i pajetë, pas pranimit nga autoritetet e shtetit tjetër, do të dërgohet në Institutin e Mjekësisë Ligjore (IML) për obduksion.