Reshjet e dendura të shiut kanë shënuar natën e kaluar mbi gjithë vendin, si pasojë e të cilave disa qytete të Kosovës janë përballur edhe me vërshime.
Njëra ndër këto qytete është komuna e Malishevës, në të cilën, siç bën të ditur Policia, në fshatin Lladroc e Carrallukë janë vërshuar disa shtëpi.
Me këtë rast, Njësitet e Zjarrfikësve si dhe Policia, kanë kryer evakuimin e një familjeje, teksa janë në përcjellje të gjendjes edhe tek disa familje tjera.
Në këtë njoftim gjithashtu bëhet e ditur se “Sasia e madhe e ujit ka mbyllur rrugët: Skënderbeu ( nga fshati Banjë në Drejtim të Malishevës), Nënkalimi në Qendër, rreth rrotullimi të Stacioni i Autobusëve (kalimi vetëm me automjete të larta), Mirushë –Kievë, Mirushë- Gurbardh, Turjakë-Llapqevë, Bubël – Sfërk, Kievë-Bubavec-Drenoc”.
Policia në mirëkuptim kërkon nga Qytetaret të eviton lëvizjet e pa arsyeshme deri në rënjen e nivelit të ujit.
Policia së bashku me njësitë zjarrfikës do të ju ofron ndihmë çdo vend ku kërkohet nga Qytetaret.
