Dy vetura janë raportuar të vjedhura gjatë 24 orëve të fundit. Sipas policisë, njëri rast ka ndodhur në Prishtinë te “Rruga B” dhe tjetri në Vraniq të Gjakovës.
Njoftimi i policisë:
VJEDHJE E RËNDË
Rr. B, Prishtinë. 07/15.07.2025-04:00/21:20. Është raportuar se të dyshuar të panjohur i kanë vjedhur veturën me targa lokale ankuesit mashkull kosovar. Lidhur me rastin janë ndërmarrë veprime për procedurat e mëtejme hetimore.
VJEDHJE E VETURËS
Fsh. Vraniq, Gjakovë 15.07.2025 – 17:26. Është raportuar se persona të panjohur i kanë vjedhur veturën ankuesit mashkull kosovar. Rasti ne procedure hetimore.
Poashtu, policia ka raportuar edhe për një rast tjetër në Pejë, një veturë të vjedhur më 4 korrik e cila është gjetur të enjten dhe i është kthyer pronarit.
Raport shtesë:
VJEDHJE E RËNDËRr. Lekë Dukagjini, Pejë 05.07.2025 – 04:11. Lidhur me rastin, vetura e vjedhur është gjetur e braktisur dhe pas ekzaminimit me vendim të prokurorit i është kthyer ankuesit kosovar.
