Von Cramon përshëndet vendimin e Listës së Studentëve për të mos bashkëpunuar me Listën Serbe

Eurodeputetja Viola von Cramon ka mirëpritur lajmin se Lista e Studentëve, e cila ka fituar zgjedhjet në Serbi, nuk do të bashkëpunojë politikisht me Listën Serbe në Kosovë.

Përmes një reagimi në platformën X, Von Cramon e ka cilësuar këtë zhvillim si një ndryshim të rëndësishëm politik, duke shprehur optimizëm për ndikimin që mund të ketë në marrëdhëniet ndërmjet Kosovës dhe Serbisë.

“Patjetër që është një ndryshim i madh. Le të shohim se si kjo mund të ndikojë në marrëdhëniet e përgjithshme ndërmjet Kosovës dhe Serbisë. Por tingëllon premtuese”, ka shkruar ajo.

Reagimi i eurodeputetes vjen pas raportimeve se Lista e Studentëve nuk synon bashkëpunim politik me Listën Serbe, e cila qeveris në të dhjetë komunat me shumicë serbe në Kosovë.