Vrasja e trefishtë në Gllogjan, s’ka verdikt – rikthehet në rigjykim!

Gjykata Themelore në Pejë nuk ka shpallur aktgjykimin ndaj Halil, Kastriot dhe Kreshnik Mehmetaj, të akuzuar për vrasjen e trefishtë në Gllogjan në vitin 2021.

Vendimi është marrë në seancën ku ishte paraparë shpallja e aktgjykimit ndaj të akuzuarve, por gjykata ka vendosur që çështja të shqyrtohet sërish.

Babai me dy djemtë akuzohen për sulmin e armatosur ndaj një autobusi më 26 nëntor 2021, në fshatin Gllogjan të Deçanit.

Kujtojmë se si pasojë e sulmit humbën jetën shoferi i autobusit, Gani Gjokaj, si dhe dy nxënës 17-vjeçarë, Ledion Hamzaj dhe Genta Mustafaj, ndërsa një pasagjer tjetër mbeti i plagosur.