“VV-së i mungoi vullneti” – Mushkolaj kritikon ofertat e vonuara për Presidentin

Analisti Imer Mushkolaj në Debat Plus ka komentuar zhvillimet e fundit lidhur me zgjedhjen e Presidentit të vendit.

Ai ka thënë se përgjegjësia kryesore për situatën e krijuar i bie Albin Kurtit.

“Këtë që e ka bërë sot z. Kurti me ofertat, ose gjatë këtyre ditëve, por që ofertat u bënë publike prej z. Abdixhiku dhe Hamza, ka mundur me e bërë në janar, me thënë: po du bashkëqeverisje me ju, po jua jap kryetarin e Kuvendit ose njërit ose tjetrit dhe hajde të merremi vesh për President”.“Kjo është një ftesë për bashkëqeverisje. Unë sot nuk pashë kurrfarë shpjegimi se pse nuk u zgjodh Presidenti”, ka thënë ai.

Ai ka thënë se Vetëvendosje ka pasur mungesë të vullnetit për ta zgjedhur Presidentin.“Kemi vetëm deklarimet e z. Konjufca që nëse vjen puna për një emër konsensual për kandidat për President, unë tërhiqem. Po ti tërhiqu, pse s’u tërhoqe ti si shenjë e vullnetit të mirë”, ka thënë Mushkolaj.