Flakët kanë përfshirë një deponi për grumbullimin e gomave të vjetra në Sllatinë, duke shkaktuar tym të zi dhe të dendur që ka mbuluar zonën.
Pamjet e publikuaratregojnë tymin e madh që ka dalë nga deponia ku grumbullohen goma jashtë përdorimit, e cila ndodhet në afërsi të rrugës kryesore të kësaj zone.
Ndërsa komandati i zjarrfikësve të Lipjanit, Sadri Shamolli ka konfirmuar se bëhet fjalë për pistën e garave të automjeteve në Vrell.
Po kemi te bëjmë me goma ne pistën e garave me automjete ne Vrell, lajmin e kemi pranua nga policia e Lipjanit në ora 13:35, ndërsa tani janë të angazhuar njësitet nga Prishtina dhe Drenasi, ndërsa nuk ka persona të lënduar”, ka thënë Shamolli.
Komandanti i Brigadës së Zjarrfikësve për zonën e Prishtinës, Abdusamed Shkodra, ka konfirmuar se ekipet e zjarrfikësve janë nisur drejt vendit të ngjarjes për të intervenuar dhe për të lokalizuar zjarrin.
Gazeta Demos ka kontaktuar edhe Policinë e Kosovës për të marrë më shumë informacione lidhur me rastin, por deri në publikimin e këtij lajmi nuk ka marrë përgjigje.
