Zjarr në ashensorin e një ndërtese në Prishtinë, digjen mbeturinat

Mëngjesin e sotëm, në orën 05:27, u raportua për një zjarr në një banesë në rrugën “Muharrem Fejza” në Prishtinë.

Me këtë rast ekipet e zjarrfikësve kanë dalë menjëherë në vendngjarje.

Të njëjtit në vendin e ngjarjes kanë konstatuar se zjarri kishte përfshirë mbeturina në hapësirën pranë ashensorit, nga të cilat ishte liruar tym që ishte shpërndarë në banesa.

Lajmin e ka konfirmuar drejtori i zjarrfikësve, Malë Gashi, i cili tha se ngjarja ka shkaktuar panik te banorët.

Zjarrfikësit kanë arritur ta shuajnë zjarrin në kohë dhe kanë kryer ventilimin e hapësirës për të larguar tymin.

“Nuk ka pasur zjarr në banesë, por zjarri ishte në mbeturina në vend të ashensorit,” tha për Sinjalin Malë Gashi.