Zyra e Bashkimit Evropian në Kosovë ka publikuar një mesazh lidhur me gjendjen demografike dhe ushtarake të Rusisë, duke pretenduar se Moska po përballet me mungesë të fuqisë punëtore dhe po mbështetet gjithnjë e më shumë te rekrutët e huaj për të vazhduar luftën në Ukrainë.
Sipas postimit, perceptimi se Rusia ka fuqi punëtore të pakufizuar nuk përputhet me realitetin, pasi popullsia mashkullore në moshë pune është zvogëluar si pasojë e lindshmërisë së ulët, vdekshmërisë së lartë, emigracionit masiv dhe humbjeve të mëdha në luftë
Zyra e BE-së pretendon se Rusia ka pësuar mbi 1.3 milion humbje në fushën e betejës që nga fillimi i pushtimit të Ukrainës në vitin 2022.