Zyrtari që u arrestua për ryshfet punon në Qendrën e Regjistrimit Civil, ndalohet për 48 orë

Prokuroria Themelore e Prishtinës ka dalë me detaje rreth arrestimit të një zyrtari publik nën dyshimin për marrje ryshfeti.

Në një njoftim drejtuar mediave, Prokuroria ka bërë me dije se i njëjti punon në Qendrën e Regjistrimit Civil, dhe se është ndaluar për 48 orë.

“I njëjti dyshohet se ka kërkuar dhe pranuar përfitim pasuror në këmbim të një shërbimi zyrtar. Me vendim të Prokurorit të shtetit i dyshuari është ndaluar për dyzetë e tetë (48) orë. Prokuroria Themelore në Prishtinë, mbetet e përkushtuar në fuqizimin e sundimit të ligjit dhe luftimin e korrupsionit si dhe mbrojtjen e interesit publik”, thuhet në njoftim.

Policia tha se e ka kapur të njëjtin në flagrancë.

“Policia ka ndërhyrë në momentin e pranimit të shumës së dyshuar si ryshfet dhe ka arrestuar personin në flagrancë. Tek i dyshuari janë gjetur dhe sekuestruar provat materiale relevante për rastin”, deklaroi Policia