Këngëtari shqiptar kapet ‘mat’ vetë i dyti, kjo është bukuroshja krah tij

Pa-pa-razzi: Bejta kapet mat, vetë i dyti!

Jemi mësuar ta shohim duke kërcyer e duke krijuar përmbajtje me njerëz të rastësishëm nëpër sheshe, por këtë herë kamera nuk ishte në dorën e tij.

Artisti është parë mbrëmë në Prishtinë, në një dalje që s’kishte lidhje me muzikën apo videot e tij.

Bejta e ka mbajtur jetën private thuajse tërësisht larg publikut, ndonëse prej kohësh përflitet se është në një lidhje.

Prive By Liberta Spahiu ka siguruar ekskluzivisht pamje të tij në rrugët e Prishtinës, në shoqërinë e një vajze bjonde.

Ajo shihet e kapur për krahu me artistin, ndërsa afërsia mes tyre ngre dyshime për natyrën e këtij raporti. Identiteti i vajzës nuk dihet ende, por shkrepja nuk lë shumë hapësirë për dyshime.

E ndërsa jetën private e mban larg syrit të publikut, në muzikë Bejta ka qenë mjaft aktiv.

Në prill publikoi albumin “Elemente”, me 11 këngë, ndërsa “Kujt ia fal” është projekti i tij më i fundit.

Për jetën private, megjithatë, artisti vazhdon ta ruajë misterin — të paktën deri në këto pamje.