Boksieri nga Kosova, Drilon Rama, njëherësh edhe fitues i edicionit të fundit të Big Brother VIP Kosova, është deklaruar lidhur me meçin që ia ka kërkuar boksierit nga Shqipëria, Amarildo Bakajt.
Rama në një intervistë për emsionin ‘Prive by Liberta Spahiu’ pretendoi se kishte marrë mesazhe kërcënuese nga boksieri Bakaj
“Unë mesazhin e tij nuk e kom pa, ja kom kthy edhe nuk po du me folë çka ka shkru, por ka folë ka kërcënu “ka me t’lypë, ka me t’gjetë…”, unë ja kom kthy “veç tregom a je ka don mu rrehë, po a jo?”. Unë nuk i bi pishman që i kam lyp fer, unë jam ka du me e kry këtë punë në boks, sport, pikë”, deklaroi ai.
Sipas tij, zanafilla e problemit ishte që nga koha kur Driloni ishte në BBVK.
“Unë kur jam kanë në Big Brother atëherë, ky ka folur kundër meje i pari, këtë e di gjithkush. Mu më ka mbetë në kry dhe e kam marr vesh më vonë, kur e pash videon që ka fol kundër meje, që ka qef me ma prish fytyrën, edhe unë thash hajde, se nuk jam njeri që kam qef me fol shumë, por kam qef me vepru. Ti nëse fol kundër shqiptarit dhe e kërcënon atë, normal që shqiptari ia kthen. Unë kam qef me rrehë me të. Ai ka qef me fol shumë, nuk po du me pas ‘beef’ në internet e mos me ndodh meçi”, tha ai.
“Besoj që sivjet kam mu rrehë për një titull të fortë edhe është titulli i parë që kysmet kam me marrë. Një herë jam tu dëshiru me u rrehë me tjetërkon, Amarildo Bakajn jom tu e prit. Dëshira ime më e madhe është me u rrehë me të”, vijoi bokseri nga Kosova
