Mbrëmë u shënua nata e parë e festivalit më të madh në Kosovë tash e disa vite “Sunny Hill Festival”, projekt ky i këngëtarës së famshme botërore me prejardhje nga Kosova, Dua Lipa dhe familjes së saj, raporton GazetaDemos.
E njëjta ka arritur që tash e gjashtë edicione të këtij festivali, t’ua sjell qytatrëve në Kosovë disa nga artistët më të mëdhenj botëror.
Mirëpo, këtë privilegj nuk po e ndajnë vetëm qytetarët e Kosovës, pasi dje kishte shumë pjesëmarrës nga Shqipëria, Maqedonia e Veriut, e madje në numër goxha të lartë edhe nga Turqia.
Disa nga mysafirët nga Turqia, për mediat tona kanë deklaruar se pavarsisht yjeve të shumtë që do të ngjiten në skenë, ata qëndrojnë te dy yjet e tyre kryesor, Dua Lipa dhe kantautori turk Edis Görgülü.