Mijëra izraelitë morën pjesë në një grevë mbarëkombëtare të dielën në mbështetje të familjeve të pengjeve të mbajtura në Gaza, duke i bërë thirrje kryeministrit Benyamin Netanyahu të arrijë një marrëveshje me Hamasin për t’i dhënë fund luftës dhe për të liruar robërit e mbetur.
Demonstruesit valëvitnin flamuj izraelitë dhe mbanin foto të pengjeve, ndërsa fishkëllima, bori dhe daulle jehonin në tubime në të gjithë vendin, ndërsa disa protestues bllokuan rrugë dhe autostrada, përfshirë rrugën kryesore midis Jerusalemit dhe Tel Avivit.
“Sot, gjithçka ndalet për të kujtuar vlerën më të lartë: shenjtërinë e jetës”, u tha gazetarëve në një shesh publik në Tel Aviv, Anat Angrest, nëna e pengut Matan Angrest.