Kalo te përmbajtja
Demos
Keni lajm?
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Menyja
  • Ballina
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Pamja
Demos

Gazeta Demos ngadalë por sigurt, po bëhet burim i besueshëm i informacionit, i hapur ndaj opinionit publik, duke i trajtuar të gjithë të barabartë. Gazeta Demos është shenjë identifikuese e fjalës së lirë, gjithnjë në frymën e demokracisë prej nga buron edhe emri i saj.

Rubrikat

VideoLajmeNdërkombëtareSportMagazineTeknologjiStilKëndvështrime

Demos

Rreth neshPolitika editorialeKontaktPrivatësiaKeni lajm?
Gazeta Demos SH.P.KRr. “Uran Ajeti”, 68, Prishtinëinfo@gazetademos.commarketing@gazetademos.comTel: +383 48 579 555
© 2026 Demos. Të gjitha të drejtat e rezervuara. v 1.0.2
Ndërkombëtare

“Ku është vëllai yt Andrej?” – Gazetari e vë në siklet Vuçiqin, ky ishte reagimi i tij

GD
Gazeta Demos19 nëntor 2026 në 12:38
“Ku është vëllai yt Andrej?” – Gazetari e vë në siklet Vuçiqin, ky ishte reagimi i tij

Një përplasje verbale mes ish-presidentit të Serbisë, Aleksandar Vuçiq, dhe një gazetari është regjistruar sot në korridoret e Kuvendit të Serbisë, pasi ky i fundit e pyeti atë për vëllain e tij, Andrej Vuçiq.

Ngjarja ndodhi pas përfundimit të seancës së sotme të mbledhjes konstituive të parlamentit serb, e cila pritet të vazhdojë nesër në orën 10:00.

Gazetari iu drejtua Vuçiqit me pyetjen: “Vuçiq, ku është vëllai yt Andrej?”.

Ish-presidenti serb iu përgjigj: “Fatkeqësi, është në shtëpi me familjen e tij”.

Pasi gazetari e përsëriti pyetjen, Vuçiq reagoi më ashpër, duke thënë: “Është në shtëpi me familjen e tij. Turp të kesh, ne nuk i kemi ruajtur bashkë delet”.

Pas këtij shkëmbimi, një gazetare tjetër e pyeti nëse do ta përfundonte nesër fjalimin e tij, ashtu siç kishte premtuar.

“Unë gjithmonë i mbaj premtimet e mia”, u përgjigj Vuçiqi, para se të largohej nga korridori i Kuvendit.

Debate edhe për kandidatin e Listës Studentore

Ndërkohë, seanca e sotme parlamentare u shoqërua edhe me debate lidhur me titullin akademik të kandidatit të Listës Studentore, Aleksandar Çupiq.

Deputetët e grupit parlamentar “Aleksandar Vuçiq – Serbia fiton” pretenduan se Çupiq ishte prezantuar gabimisht një ditë më parë si profesor universitar, ndonëse, sipas tyre, titulli i tij është docent.

Në fund të punimeve, përfaqësuesi i autorizuar i Listës Studentore, Jugoslav Gashiq, njoftoi se grupi i tij parlamentar kishte vendosur të tërhiqej nga të gjithë folësit e regjistruar për pikën e dytë të rendit të ditës.

Sipas tij, ky vendim synonte shkurtimin e debatit dhe krijimin e mundësisë që zgjedhja e kryetarit të Kuvendit të bëhej sa më shpejt.

Në anën tjetër, kreu i grupit parlamentar “Aleksandar Vuçiq – Serbia fiton” deklaroi se deputetët e këtij grupi do t’i përfundonin fjalimet deri nesër në orën 13:00, duke hapur kështu mundësinë që votimi për kryetarin e Kuvendit të mbahej gjatë pasdites.

Në përfundim të seancës, deputetët e Listës Studentore ngritën edhe çështjen e shkeljes së Rregullores së punës së Kuvendit.

Vuçiq u përgjigj se gjatë ditës së nesërme të gjithë duhet ta kenë mundësinë për të marrë fjalën.

gazetariandrejvuçiq

Më shumë nga Ndërkombëtare

  • 14:06Bosnja ia ndalon hyrjen Radoiçiqit, e cilëson kërcënim për sigurinë kombëtare
  • 14:04Aleksandar Çupiq nga Lista Studentore zgjidhet kryetar i Kuvendit të Serbisë
  • 12:38Trump largohet nga Kina pas bisedimeve 90-minutëshe me Xi dhe Putin
  • 11:41Përfundon takimi mes Trumpit, Putinit dhe Xi Jinpingut në Kinë
  • 11:03Trump: Po bëjmë histori, do të diskutojmë të gjitha problemet e botës