Ambasadori i Shqipërisë në Kosovë, Petrit Malaj, tha se shumë qytetarë nga Shqipëria po vijnë këto ditë në Kosovë për punë, por sidomos për turizëm, si dhe “për të shijuar bukurinë e peizazhit dimëror dhe për të skijuar në zonat malore të Kosovës”.
Duke e mirëpritur këtë ardhje, Malaj ka tërhequr vëmendjen për qytetarët e vendit të tij se kur të vijnë në Kosovë duhet të kenë pajisjet e nevojshme për qarkullim në rrugë dhe të organizojnë mirë udhëtimin.
“Gjatë këtij sezoni është e domosdoshme që automjetet të jenë të pajisura me goma dimri dhe zinxhirë. Shumë prej jush udhëtoni me familje apo në grupe dhe kurrsesi nuk duhet të rrezikoni. Rreziku nuk është vetëm për veten dhe familjet tuaja, por edhe për të tjerët që qarkullojnë në rrugë. Shpeshherë, për shkak të mungesës së pajisjeve të duhura, mbetja në rrugë pengon edhe qarkullimin e të tjerëve. Prandaj, bëni kujdes, planifikoni udhëtimin me përgjegjësi dhe shijoni Kosovën në mënyrë të sigurt”, ka shkruar ai.
Postimi i plotë:
Jemi në dimër dhe Kosova është e mbuluar nga bora
Shumë qytetarë nga Shqipëria vijnë këto ditë në Kosovë për punë, por sidomos për turizëm, për të shijuar bukurinë e peizazhit dimëror dhe për të skijuar në zonat malore të Kosovës.