Ministri britanik i Mbrojtjes jep dorëheqje, kritikon Starmerin

Ministri britanik i mbrojtjes, John Healey, dha dorëheqjn të enjten për shkak të një mosmarrëveshjeje disamujore mbi shpenzimet ushtarake, duke akuzuar kryeministrin Keir Starmer se nuk ka angazhuar burimet e nevojshme për ta mbajtur vendin të sigurt nga kërcënimet në rritje.

Dorëheqja, e shoqëruar nga një kritikë e ashpër ndaj kryeministrit, është një tjetër tregues se autoriteti i Starmer po shteron dhe ekspozon një krizë në zemër të qeverisë – si mund të rrisë shpenzimet e mbrojtjes kur ka pak para për të kursyer dhe buxheti i mirëqenies vazhdon të rritet, raporton Reuters.

Healey, një ministër besnik, kishte qenë në bisedime me Starmer dhe ministren e financave Rachel Reeves se si të përmbusheshin shpenzimet shtesë ushtarake të nevojshme, duke vonuar Planin e Investimeve në Mbrojtje të Britanisë, i cili duhej të dorëzohej vitin e kaluar.

“Ju nuk keni qenë në gjendje, dhe Thesari nuk ka qenë i gatshëm, të angazhoni burimet që kombi ka nevojë për të mbrojtur vendin”, tha Healey në letrën e tij drejtuar Starmer.