Sekretari i Thesarit të SHBA-së: Pa marrëveshje, tarifat deri në 50% do zbatohen nga 1 gushti

Sekretari i Thesarit të SHBA-së, Scott Bessant, deklaroi të dielën se nëse nuk arrihen marrëveshje tregtare me vendet partnere në ditët e ardhshme, tarifat ndëshkuese deri në 50% të shpallura më 2 prill nga ish-presidenti Donald Trump do të hyjnë në fuqi më 1 gusht.

Afati fillestar për vendosjen e këtyre tarifave ishte 9 korriku, por Trump e shtyu vendimin për të lejuar kohë për negociata. “Presidenti Trump do t’u dërgojë letra disa prej partnerëve tanë tregtarë duke thënë se nëse gjërat nuk avancojnë, atëherë më 1 gusht, ato do të kthehen në formë bumerangu te tarifat e 2 prillit”, tha Bessant për CNN.

Ai shtoi se 72 orët e ardhshme do të jenë vendimtare, me pritshmëri për njoftime të rëndësishme dhe arritje marrëveshjesh të shpejta, pavarësisht rezistencës së lartë nga disa vende.

Bessant përmendi Bashkimin Evropian si shembull të presionit amerikan që po jep rezultat. “Derisa Presidenti Trump kërcënoi me tarifa prej 50%, BE-ja ishte shumë e ngadaltë. Por që nga ajo kohë, ka pasur pesë telefonata nga udhëheqës evropianë dhe Ursula von der Leyen. BE-ja po bën përparim shumë të mirë.”

Sipas tij, rreth 100 letra do t’u dërgohen vendeve më të vogla me të cilat SHBA ka shumë shkëmbim tregtar, por fokusi mbetet tek 18 marrëdhënie kryesore që mbulojnë 95% të deficitit tregtar amerikan.