Shtyhet për javën e ardhshme votimi i OKB-së mbi Ngushticën e Hormuzit

Këshilli i Sigurimit i OKB-së do të votojë javën e ardhshme mbi një rezolutë për sigurimin e kalimit të sigurt në Ngushticën e Hormuzit, kanë thënë diplomatët për Reuters.

Votimi ishte planifikuar fillimisht për të premten, pastaj u shty për më vonë gjatë ditës së sotme, por diplomatët thanë se nuk është caktuar ende një datë specifike për javën e ardhshme pavarësisht shtyrjes.

Nëse miratohet, projekt-rezoluta do t’i autorizonte vendet të përdorin “të gjitha mjetet mbrojtëse të nevojshme” për të siguruar kalimin e sigurt përmes ngushticës.

Veprimet detare në ngushticë, e cila ka qenë praktikisht e mbyllur që nga fillimi i luftës, gjithashtu do të autorizoheshin.