Presidenti amerikan pranon se lufta në Ukrainë është e vetmja që nuk ka arritur ta zgjidh .
“Ka një urrejtje të tmerrshme mes Zelensky-it dhe Putinit”, deklaroi Donald Trump në një intervistë për transmetuesin Fox, duke shtuar se “durimi me Putinin po soset me shpejtësi”.
Presidenti amerikan e pranoi se lufta në Ukrainë mbetet “e vetmja luftë që nuk kam arritur ta zgjidh”.
Trump paralajmëroi gjithashtu masa të reja ndaj Moskës, duke theksuar se do të vendosë sanksione të reja ekonomike kundër Rusisë, në veçanti ndaj sektorit bankar.
I pyetur për incidentin e fundit me dronët rusë që shkelën hapësirën ajrore të Polonisë, Trump u përgjigj me një ton të rezervuar: “Nuk do të mbroj askënd. Në Poloni, dronët u rrëzuan dhe ranë, por nuk duhet të kishin qenë aq pranë kufirit polak”.
