Trump i jep afat Hamas-it deri të dielën ta pranojë planin për Gazën: Nëse kjo marrëveshje s’arrihet, do të shpërthejë ferri

Presidenti i Shteteve të Bashkuara të Amerikës, Donald Trump, i ka dhënë Hamasit një afat të prerë për të pranuar planin amerikan të paqes për Gazën, duke paralajmëruar se “i gjithë ferri” do të shpërthejë kundër grupit nëse nuk e pranojnë.

Trump shkroi në platformën e tij Truth Social të premten se marrëveshja duhet të arrihet deri në orën 18:00 të dielës, sipas kohës së Uashingtonit.

Plani propozon ndërprerje të menjëhershme të luftimeve dhe lirimin brenda 72 orëve të 20 pengjeve të gjallë izraelitë të mbajtur nga Hamasi – si dhe të mbetjeve të pengjeve që mendohet të jenë të vdekura – në këmbim të qindra banorëve të Gazës që janë të ndaluar.

Ndërmjetësuesit arabë dhe turq po ushtrojnë presion mbi Hamasin për një përgjigje pozitive ndaj propozimit, por një figurë e lartë e grupit ka thënë se Hamasi ka të ngjarë ta refuzojë atë.

“Nëse kjo marrëveshje E FUNDIT nuk arrihet, do të shpërthejë FERRI, si kurrë më parë, kundër Hamasit. DO TË KETË PAQE NË LINDJEN E MESME, NJË MËNYRË A TJETRË,” shkroi Trump.