“U përdor nga grupet kriminale”, zbulohen detaje rreth policit që u kap me 1 milion euro në Merdare

Polici Aurel Kaziu u arrestua pasi u kap në territorin e Kosovës me një milion euro në makinë dhe më pas u pezullua nga detyra.

Sipas Top Channel, Kaziu kishte më pak se një vit në detyrë dhe dyshohet se është përdorur nga grupet kriminale për të transportuar paratë drejt Shqipërisë.

Tutje bëhet e ditur se policia i binte për rrugë tokësore nga Serbia drejt Kosovës, derisa pala kosovare kishte marrë informacione.

Polici ishte një agjent krimesh dhe kishte pak kohë që ishte fejuar.

“I arrestuari është një polic i ri, agjent i krimeve, i fejuar dhe me familje. Dyshohet se është përdorur nga grupet kriminale për transportin e parave,” thuhet në raportin,

Rasti vijon të hetohet nga autoritetet për të përcaktuar të gjithë zinxhirin kriminal dhe përfshirjen e policit të arrestuar.