FC Barcelona ka dhënë sot një komunikatë zyrtare të nënshkruar nga presidenti dhe bordi drejtues i klubit, ku shprehin ngushëllimet më të thella për vdekjen e Jorge Messit, babait të legjendës Lionel Messi, ish-futbollist i klubit katalanas.
Klubi falenderoi Jorge Messin për angazhimin ndaj tij, si dhe për besimin që i dha klubit në fillimet dhe vitet më të lavdishme të karrierës futbollistike të djalit të tij, Leo.
Jorge Messi vdiq të shtunën, në moshën 68-vjeçare, në qytetin argjentinas Rosario, pas një beteje me sëmundjen. Ai ishte gjithashtu agjenti i djalit të tij dhe humbi jetën të premten në një spital në qytetin e tij të lindjes, pas një sëmundjeje të zgjatur.
Ngushëllime i ka dërguar Messit edhe rivali historik, Real Madridi, i cili nëpërmjet një deklarate zyrtare shprehu keqardhjen e thellë për ndarjen nga jeta e Jorge Messit dhe i uroi forcë Leos, familjes dhe të gjithë të dashurve të tij.
