Ylli i MMA-së, Merab Dvalishvili, pretendon se është sulmuar në Abu Dhabi nga një grup personash, në mesin e të cilëve dyshohet se ishte edhe Usman Nurmagomedov.
Luftëtari gjeorgjian ka publikuar një video në rrjetet sociale, ku shfaqet i gjakosur dhe me shenja të dukshme të përleshjes, duke rrëfyer atë që pretendon se ndodhi në kryeqytetin e Emirateve të Bashkuara Arabe.
Sipas Dvalishvilit, ai dhe një mik i tij u përballën me një grup prej rreth 20 personash, të cilët i sulmuan nga prapa, teksa ndodhej në Abu Dhabi për angazhime mediatike para duelit të tij të mundjes të shtunën.