Hajdari dhe Zhegrova stërviten të diferencuar para Austrisë

Kombëtarja e Kosovës ka zhvilluar sot stërvitjen e fundit para ndeshjes së nesërme ndaj Austrisë në Vjenë.

Në këtë seancë, Albian Hajdari dhe Edon Zhegrova janë stërvitur të diferencuar nga pjesa tjetër e skuadrës.

Të dy futbollistët kanë zhvilluar vetëm vrapime të lehta, për shkak të shqetësimeve të pësuara në ndeshjen e fundit.

Ndërkohë, pjesa tjetër e futbollistëve ka punuar me intensitet të plotë, me përzgjedhësin Franco Foda dhe stafin e tij që janë fokusuar në përgatitjet taktike dhe planin e lojës për përballjen me Austrinë.

Dardanët synojnë rezultat pozitiv në Vjenë në ndeshjen e radhës.