Kaka, simboli i një epoke të artë!

Legjenda braziliane, Ricardo Kaka, rikthehet në “San Siro” në një nga përballjet më të mëdha të futbollit italian, derbin mes Milanit dhe Interit.

Kaká  nuk mundi t’i përmbante emocionet, ndërsa u duartrokit në këmbë nga tifozët!

Me fanellën e Milanit, Kaka zhvilloi 223 ndeshje zyrtare dhe realizoi 77 gola. Ai fitoi një Ligë të Kampionëve në vitin 2007, një titull të Serie A, Superkupën e Evropës, Kupën e Botës për Klube dhe trofe të tjerë të rëndësishëm.

Viti 2007 ishte kulmi i karrierës së tij. Pas një sezoni të jashtëzakonshëm, në të cilin udhëhoqi Milanin drejt triumfit në Ligën e Kampionëve, Kaka fitoi Topin e Artë dhe çmimin FIFA World Player, duke u konfirmuar si futbollisti më i mirë në botë.