Një kërkesë e pazakontë ka ardhur nga skuadra e Kikës së Hogoshtit.
Skuadra kosovare po kërkon mjete financiare për blerjen e një autobusi.
“KËRKESË PËR NDIHMË FINANCIARE
Kërkesë për mbështetje financiare për blerjen e një autobusi me 37 ulëse për Klubin Kika dhe komunitetin e Hogoshtit
Të nderuar bashkëatdhetar, bashkëvendas e sportdashës të klubit Kika
Me këtë kërkesë dëshirojmë t’ju drejtohemi për mbështetje financiare për një projekt me rëndësi të veçantë për Klubin Kika dhe për të gjithë komunitetin tonë nga lokaliteti i Hogoshtit.
Qëllimi ynë është blerja e një autobusi me 37 ulëse, i cili do të përdoret për nevojat dhe aktivitetet e Klubit Kika, por njëkohësisht do të jetë në shërbim edhe të komunitetit për organizime të ndryshme.
Autobusi do të mundësojë realizimin dhe pjesëmarrjen në:
* ekskursione dhe aktivitete të klubit;
* udhëtime dhe organizime sportive;
* aktivitete të ndryshme të komunitetit;
* ekskursione dhe vizita për fëmijë e të rinj;
* organizime të tjera në interes të komunitetit dhe të lokalitetit të Hogoshtit.
Pra, ky autobus do të jetë pronë dhe aset i Klubit Kika, por synimi është që të jetë në funksion dhe në shërbim të komunitetit të Hogoshtit, duke u përdorur për nevoja të ndryshme të përbashkëta.
Vlera e autobusit është 25,000 euro.
