UEFA dhe CONMEBOL kanë njoftuar zyrtarisht datën dhe vendin për ndeshjen e “Finalissima 2026”. Dy kampionët kontinentalë, fituesi i Kampionatit Europian 2024 dhe i Kupës së Amerikës 2024, do të përballen më 27 mars në stadiumin “Lusail” në Katar. Ndeshja do të nisë në orën 21:00.
Ky event është një bashkëpunim i UEFA-s dhe CONMEBOL-it për të bashkuar ekipet më të mira të futbollit europian dhe jugamerikan. Edicioni i parë i këtij formati u zhvillua në vitin 2022, kur Argjentina mposhti Italinë 3-0 në Wembley.
Presidenti i UEFA-s, Aleksander Ceferin, theksoi rëndësinë e këtij eventi, duke e cilësuar si një ngjarje që bashkon dy kampionë kontinentalë dhe thekson lidhjen mes konfederatave.