Superkompjuteri parashikon kampionin e Premierligës, titulli pritet të vendoset me vetëm tri pikë diferencë

Superkompjuteri i “Compare.bet” ka publikuar parashikimin për sezonin 2026/27 të Premierligës, duke favorizuar Arsenalin për ta mbrojtur titullin kampion.

Sipas simulimeve të bazuara në inteligjencë artificiale, algoritme probabiliteti dhe mbi 10 mijë simulime të sezonit, Arsenali ka 45 për qind gjasa për ta fituar sërish titullin, duke lënë pas Manchester Cityn me vetëm tri pikë diferencë. Liverpooli parashikohet të përfundojë i treti, ndërsa Chelsea i katërti.

Manchester United pritet të bjerë në vendin e gjashtë, ndonëse ka 3.5 për qind shanse për ta fituar titullin.

Në fund të tabelës, Hull City, Coventry City dhe Ipswich Town parashikohen të bien nga elita, me Hullin që sipas simulimeve do ta mbyllte sezonin me vetëm 19 pikë.