19-vjeçari që u gjet pa shenja jete në Kaçanik varroset sot

Sot do të varroset 19-vjeçari Enver Palloshi, i cili u gjet pa shenja jete gjatë ditës së djeshme në fshatin Nikaj të Kaçanikut.

Varrimi i të ndjerit do të bëhet sot, e diel, në orën 14:00, në varrezat e fshatit Biçec.

Rasti kishte ndodhur rreth orës 13:30, kur familjarët kishin njoftuar Policinë e Kosovës. Në vendin e ngjarjes kishin dalë njësitet policore, hetuesit rajonalë, forenzika dhe ekipi mjekësor, të cilët kishin konstatuar vdekjen.

Sipas Policisë, pas ekzaminimit të vendit të ngjarjes dhe trupit nuk ishin evidentuar elemente që ngrinin dyshime për përfshirjen e personave të tjerë. Prokurori i shtetit kishte autorizuar vazhdimin e hetimeve për sqarimin e plotë të rrethanave.

Familjarët kanë njoftuar për ceremoninë e varrimit dhe kanë shprehur falënderimet për të pranishmit, ndërsa familjes Palloshi i shprehen ngushëllime për humbjen.