“Arlinda kërkoi ndihmë, shteti e braktisi”: QIKA kërkon dorëheqjen e Donika Gërvallës

Organizata QIKA kërkoi dorëheqjen e ministres së Drejtësisë, Donika Gërvalla, për deklaratat që, sipas saj, fajësojnë viktimat dhe relativizojnë përgjegjësinë institucionale.

Organizata njoftoi sot përmes një postimi në Facebook se vendosi mesazhe në Ministrinë e Drejtësisë, duke rikujtuar rastin e Arlinda Zekajt dhe kërkesat e saj për ndihmë.

“Arlinda e boni atë që duhej. Ti, Donikë, s’e bone. DORËHIQU!”, thuhet në njërin prej mesazheve të vendosura.

QIKA pretendon se Zekaj iu drejtua institucioneve përgjegjëse për mbrojtjen e saj, por nuk mori mbështetjen e nevojshme.

“Donika Gërvalla duhet të marrë përgjegjësi politike dhe të japë dorëheqje!”, thuhet në reagimin e organizatës