Bashkëluftëtari Florim Mataj përkujton Betejën e Baballoqit: Lavdi e përjetshme dëshmorëve

Sot, bashkëluftëtari Florim Mataj ka kujtuar me përulësi 28-vjetorin e Beteja e Baballoqit, që shënon fillimin e luftës frontale në Zonën e Dukagjinit.

Ai theksoi se kjo ditë është një moment reflektimi dhe nderimi për guximin dhe sakrificën e luftëtarëve të UÇK-së, të cilët u ngritën për liri dhe dinjitet, duke mos kursyer asgjë nga vetja për të mbrojtur vendin dhe të ardhmen e popullit.

I plotë:

Sot, me përulësi kujtuam 28 vjetorin e fillimit të luftës frontale në Zonën e Dukagjinit, të njohur si Beteja e Baballoqit.

Me respekt të thellë nderuam guximin dhe sakrificën e luftëtarëve që u ngritën për liri dhe dinjitet, duke mos kursyer asgjë nga vetja për të mbrojtur vendin dhe të ardhmen tonë. Përkujtuam me mirënjohje dëshmorët që ranë në altarin e lirisë, si dhe të gjithë ata që kontribuan në këtë kapitull të lavdishëm të historisë sonë.

Kjo ditë na rikujtoi edhe një herë rëndësinë e unitetit, qëndresës dhe dashurisë për atdheun.

Lavdi e përjetshme dëshmorëve!