Anëtari i Kryesisë së Aleancës, Daut Haradinaj, ka kritikuar qeverinë për rritjen e çmimeve të produkteve bazë, duke thënë se kostoja e shportës mujore për familjet në Kosovë është trefishuar.
Në emisionin “Debat Plus” në RTV Dukagjini, Haradinaj ka thënë se me çmimet aktuale, jeta e qytetarëve po bëhet gjithnjë e më e papërballueshme.
Ai i ka drejtuar një pyetje qeverisë, duke kërkuar të dijë se çfarë ka bërë për të parandaluar rritjen e çmimeve të produkteve bazë.
“Kushdo që jeton në Kosovë e din që shporta mujore është 3 fish më shumë për një familje. Me këto çmime, jeta e qytetarëve po bëhet e papërballueshme. Një pyetje për qeverinë: Çka keni bërë për mos me u rritë këto çmime? Po flasim për produktet bazë”, ka deklaruar Haradinaj.
