Diskutohet për çështjen e Hagës në Komisionin për Punë të Jashtme, Musliu-Shoshi: Ta luajmë rolin tonë si Komision

Deputetja e PDK-së, Ariana Musliu-Shoshi ka ngritur çështjen e hartimit të një strategjie institucionale për qasjen ndaj çështjes së Hagës, gjatë konstituimit të Komisionit për Punë të Jashtme dhe Diasporë.

"Ne si Komision, ta luajmë rolin tonë. Patjetër ta ndihmojmë strategjinë kombëtare, të jemi pjesë aktive e kësaj strategjie", u shpreh ajo.

Musliu-Shoshi bëri të ditur se në kuadër të mbledhjes është miratuar plani i punës dhe fushëveprimi i Komisionit.

Ajo theksoi se hartimi i një strategjie institucionale për çështjen e Hagës është i domosdoshëm për të siguruar koordinim dhe veprim të mirëfilltë institucional.

Ndërkaq, deputetja nënvizoi se ndër prioritetet kryesore të Komisionit mbeten anëtarësimi i Kosovës në Këshillin e Evropës, integrimi evropian dhe forcimi i marrëdhënieve me aleatët strategjikë.