Ekstradohet nga Zvicra në Kosovë i dyshuari për “dhunim”

Policia e Kosovës ka bërë të ditur se ka ekstraduar nga Zvicra në Kosovë një shtetas kosovar, i cili ishte në kërkim me letër rreshtimi ndërkombëtar.

Sipas njoftimit, ekstradimi është realizuar nga Drejtoria për Bashkëpunim Ndërkombëtar Policor, në koordinim me njësitet relevante të Policisë së Kosovës dhe institucionet e drejtësisë.

I dyshuari ishte arrestuar nga autoritetet zvicerane pasi kërkohej përmes INTERPOL-it me letër rreshtimi ndërkombëtar, të lëshuar nga institucionet e drejtësisë së Kosovës, për veprën penale “Dhunim”, dhe i njëjti ishte shmangur drejtësisë.

“Ekstradimi u realizuan bazuar në ligjet në fuqi dhe bashkëpunimit të ngushtë mes institucioneve të Republikës së Kosovës dhe atyre Zvicerane”, thuhet në njoftim.

Pas ekstradimit, i dyshuari është dorëzuar tek njësia policore e rajonit kompetent për vazhdimin e procedurave të mëtejme ligjore.