Gjykata Themelore në Gjilanit kumtoi detaje të reja për 27-vjeçarin që u gjet i vdekur me foshnjën e tij tremuajshe në këtë qytet të dielën dhe për këtë rast u arrestua babai i tij nën dyshimin për vrasje të rëndë.
Gjykata bëri të ditur se 27 vjeçari ishte i dënuar me gjashtë muaj burgim për kanosje ndaj të fejuarës së tij, në qershor të këtij viti, porse ky dënim i ishte zëvendësuar me gjobë 1800 euro.
Gjykata po ashtu njoftoi se 27-vjeçarit iu shqiptua masa e trajtimit të detyrueshëm psikiatrik në liri”.
Sipas Gjykatës, nën masën e paraburgimit në kohëzgjatje prej dy muajsh në Institutin e Forenzikës Psikiatrike në Prishtinë, për shkak të dyshimit se kishte përdorur substanca narkotike të llojit kokainë, eksperti psikiatrik i kishte rekomanduar gjykatës që 27-vjeçari të dërgohej në këtë institut për këtë shkak të varësisë.
“Në çështjen civile me datë 11.04.2026, gjyqtari i çështjes ka nxjerrë aktvendim për shqiptimin e urdhrit mbrojtës emergjent kundër palës përgjegjës Adonis Demiri në kohëzgjatje prej 12 muaj”, thuhet në njoftimin e Gjykatës Themelore në Gjilan.
