Partia Demokratike e Kosovës vlerëson se Lëvizja Vetëvendosje i ka votat e nevojshme për zgjedhjen e presidentit, por ende nuk ka propozuar një emër për këtë post.
Deputeti i PDK-së, Përparim Gruda ka thënë se situata aktuale, sipas tij, po e çon vendin drejt bllokimit.
“Këtë vit i kanë votat, por nuk kanë propozim. Logjika është e njëjtë: me e blloku Kosovën”, ka deklaruar ai.
Ai ka bërë të ditur gjithashtu se PDK-ja nuk sheh hapësirë për të votuar një kandidat për president nga Vetëvendosje.
