Hamza takohet me udhëheqësit e OVL-UÇK: Kosova duhet të mbështetet në vlerat e heronjve

Kryetari i PDK-së, Bedri Hamza është takuar sot me udhëheqësit e OVL-UÇK-së.

Hamza vlerëson se vendi duhet të mbështetet mbi vlerat e heronjve.

“Sot i prita udhëheqësit e OVL-së së UÇK-së, burra që bartin me krenari plagët dhe kujtimet e luftës sonë të lavdishme. Çdo rrëfim i tyre na kujton se ky shtet u ndërtua me sakrifica që as koha dhe as harresa nuk mund t’i shlyejnë.

Kosova që duam sot, më e zhvilluar, më e fortë, më dinjitoze, duhet të mbështetet mbi vlerat që heronjtë tanë i mbrojtën me jetë.

Lavdi të rënëve dhe respekt të përjetshëm për të gjithë ata që dhanë gjithçka për lirinë dhe shtetin tonë!”, tha ai.