Haxhi Avdyli e pëson keq pas largimit nga GUXO-VV, ja sa vota ka marr deri tani në LDK

Në zgjedhjet e 7 qershorit, tri figura politike që më herët kishin qenë pjesë e GUXO-s në koalicion me Lëvizjen Vetëvendosje dhe më pas iu bashkuan listës së Vjosa Osmanit, kanë garuar sërish për deputetë në listën e Lidhjes Demokratike të Kosovës, në një konfigurim të ri politik.

Bëhet fjalë për Albena Reshitaj, Jeta Statovci dhe Haxhi Avdyli, të cilët në këto zgjedhje kanë garuar në listën e LDK-së, ndryshe nga cikli i kaluar kur ishin pjesë e GUXO në koalicion me Vetëvendosjen.

Në zgjedhjet e 28 dhjetorit 2025, rezultatet e tyre ishin si më poshtë :

Jeta Statovci – 37,916 vota Haxhi Avdyli – 33,562 vota Albena Reshitaj – 29,308 vota

Ndërsa në zgjedhjet e 7 qershorit, performanca e tyre po del dukshëm më e ulët, nga numërimi i mbi 28% të votave:

Albena Reshitaj – 3,665 vota Jeta Statovci – 2,750 vota Haxhi Avdyli – 1,322 vota.