Incident gjatë asfaltimit të rrugës “A” në Prishtinë, arrestohen dy persona

Asfaltimi i rrugës “A” në Prishtinë ka nisur me tensione, pasi policia ka arrestuar dy persona pas një incidenti që ndodhi në vendin e punimeve.

Rastin për Gazeta Sinjalin e ka konfirmuar zëdhënësi i policisë për kryeqytetin, Enis Pllana.

Pllana tha se dy të arrestuarve u është shqiptuar gjoba për “Prishje të rendit dhe qetësisë publike”.

“Sot rreth orës 08:00, dy persona janë shoqëruar për në stacion policor, pasi që të njëjtit kanë penguar punimet që kanë qenë duke u bërë në rrugën “A”. Në koordinim me prokurorin, të njëjtit janë intervistuar dhe u janë shqiptuar gjoba për “Prishje të rendit dhe qetësisë publike”, tha Pllana për Sinjalin.