Inspektorati Policor i Kosovës ka rekomanduar suspendimin e tre zyrtarëve policorë të cilët po hetohen për veprën penale “Keqtrajtim gjatë ushtrimit të detyrës zyrtare ose autorizimeve publike”, shkruan Gazeta Demos.
Demos ditë më parë raportoi se një person u rrah nga policia.
Rasti kishte ndodhur më 30 qershor në rrugën ”Muharrem Fejza” në Prishtinë.
“IPK në interes të hetimit ka rekomanduar suspendimin për tre zyrtarë policorë kurse incidenti ku dyshohet se janë të përfshirë si të dyshuar zyrtarët raportohet të ketë ndodhur para mesnatës më 30.06.2025 në rrugën “Muharrem Fejza” në Prishtinë.
Hetimet lidhur me këtë rast ndaj tre zyrtarëve policorë janë duke u zhvilluar në koordinim me Prokurorinë Themelore në Prishtinë në procedurë të rregullt më dyshimin për veprën penale “Keqtrajtim gjatë ushtrimit të detyrës zyrtare ose autorizimeve publike”, thuhet në njoftimin e IPK-së.
