Kandidati i AAK-së për deputet në Kuvend, Dardan Krasniqi ka kritikuar vizitën e Kurtit ku po kryhen punimet në pishinën e Podujevës, duke e cilësuar “abuzim me rregulla” e “shembull të shëmtuar”.
Krasniqi ka thënë se “kur kreu i ekzekutivit e një kryetar komune vepron kështu pa masa mbrojtëse në një punishte tregon se pse kemi kaq shumë vdekje të punëtorëve në punë”.
“Veç në këtë vit kemi mbi pesë (5) veteran të luftës që kanë vdekur si punëtor në ndertim! Pa helmet, pa këpucë mbrojtëse, pa syze, dorëza e xhaketë reflektuese”, tha ai.
Postimi i plotë:
Abuzimi me rregulla!
Shembull i shëmtuar!
Ky është shembulli më tipik se si abuzohët me rregullat në sigurinë në punë! Andaj kur kreu i ekzekutivit e një kryetar komune vepron kështu pa masa mbrojtëse në një punishte tregon se pse kemi kaq shumë vdekje të punëtorëve në punë! Veç në këtë vit kemi mbi pesë (5) veteran të luftës që kanë vdekur si punëtor në ndertim!
Pa helmet, pa këpucë mbrojtëse, pa syze, dorëza e xhaketë reflektuese!
Çka është: Siguria në punë është mbledhja e rregullave, masave dhe veprimeve që merren për të mbrojtur jetën, shëndetin dhe mirëqenien e punëtorëve gjatë kryerjes së punës.
1. Mbrojtja e kokës
• Helmetë mbrojtëse (sidomos në punishte metali, ndërtimi, ngritje peshe)
2. Mbrojtja e syve dhe fytyrës
• Syze mbrojtëse kundër pluhurit, copëzave, shkëndijave
• Mburojë fytyre (për saldim, prerje, bluarje)
3. Mbrojtja e frymëmarrjes
• Maskë kundër pluhurit (P1, P2, P3)