Kryetarja e Ranillugut po intervistohet në Polici, dyshohet se bëri presion për të votuar Listën Serbe

Një incident tjetër u regjistrua sot në rajonin e Anamoravës.

Kryetarja e Ranillugut Tanja Antiq, po dyshohet se ka ushtruar presion ndaj votuesve që të votojnë për një subjekt të caktuar politik.

Ajo është intervistuar nga organet e rendit, rast për të cilin ka dhënë detaje togeri Ismet Hashani, nga Policia e Gjilanit.

“Prokurori ka qenë këtu në vendin e ngjarjes dhe sigurisht që për rrjedhën e këtij rasti do të njoftohemi me kohë”, deklaroi Hashani për Klanin.

Ai foli edhe për incidentet e tjera që ndodhën deri më tani gjatë ditës të cilat tha se nuk janë shumë serioze.