“Liria ka Emër” organizon tubim në Hagë në ditën e aktgjykimit

Platforma “Liria ka Emër” ka mbajtur konferencë për media, në të cilën përfaqësuesit e saj kanë prezantuar aktivitetet e ardhshme në mbështetje të ish-drejtuesve të Ushtrisë Çlirimtare të Kosovës.

Ismail Tasholli, përfaqësues nga kjo platforme ka folur për organizimin e nje tubimi që pritet të mbahet në Hagë në ditën kur Gjykata Speciale do të shpallë vendimin ndaj ish-krerëve të Ushtrisë Çlirimtare të Kosovës.

Tasholli tha se së bashku me mërgatën shqiptare, ky tubim synon të shprehë solidaritetin me ish-udhëheqësit e UÇK-së dhe mbështetjen ndaj tyre në këtë ditë.

Sipas planifikimit të organizatorëve, grumbullimi do të nisë më 15 shtator, nga ora 22:00, dhe do të vazhdojë deri më 16 shtator, në orën 10:00, kur pritet të shpallet aktgjykimi nga Gjykata Speciale.

Tasholli ka thënë se qytetarët do të qëndrojnë gjatë gjithë natës në Hagë, deri në momentin e shpalljes së aktgjykimit.