Ndërpritet furnizimi me ujë në disa lagje të Prishtinës

Ndërpritet furnizimi me ujë të pijshëm në disa zona të Prishtinës. Shkak është pëlcitja e një gypi të ujësjellësit me diametër DN 200 në Hajvali, ndërsa ekipet teknike kanë dalë në terren për sanimin e defektit.

Sipas njoftimit të KRU “Prishtina”, ndërprerja e furnizimit është e përkohshme dhe prek këto zona:

Veternik

Zona afër Gorenjes

Zona te Rezonanca

Lagjja Qershia

Lagjja Qëndresa

Lagjja Nic

Nga kompania kanë bërë të ditur se ekipet teknike po punojnë për sanimin sa më të shpejtë të defektit dhe rikthimin e furnizimit të rregullt me ujë të pijshëm.