Ka ndërruar jetë Ramiz Bytyqi nga fshati Kervasari i Komunës së Malishevës, një emër i respektuar si në shëndetësi ashtu edhe në historinë e luftës çlirimtare.
Bytyqi ishte mjek anestezist në Spitalin e Pejës, ndërsa gjatë luftës së fundit në Kosovë dha kontribut të jashtëzakonshëm në shërbim të plagosurve.
Me përkushtim dhe guxim, ai e kishte shndërruar shtëpinë e tij në një spital ushtarak, ku realizoi mbi 50 operacione, duke shpëtuar dhjetëra jetë në rrethana tepër të vështira.