Njësia e Motoçikletave në kuadër të Njësisë së Komunikacionit Rrugor ka vazhduar kontrollet në të gjithë Rajonin e Ferizajt, me qëllim rritjen e sigurisë në trafikun rrugor.
Gjatë javës së kaluar, pjesëtarët e kësaj njësie kanë shqiptuar gjithsej 61 tiketa për kundërvajtje në trafik në komunat Ferizaj, Kaçanik, Shtime, Shtërpcë dhe Hani i Elezit.
Sipas Policisë, nga masat e shqiptuara:
12 tiketa për mosrespektim të shenjave të trafikut;
8 tiketa për përdorim të telefonit gjatë drejtimit të automjetit;
7 tiketa për mosmbajtje të distancës së sigurisë;
5 tiketa për shkelje të rregullave të peshimit nga shoferët e kamionëve;
29 tiketa për kundërvajtje të tjera.
Policia Rajonale e Ferizajt u ka bërë apel të gjithë pjesëmarrësve në trafik që të respektojnë rregullat dhe shenjat e komunikacionit, të mbajnë distancën e sigurisë dhe të shmangin përdorimin e telefonit gjatë drejtimit të automjetit.
