Pak orë para verdiktit në Hagë, veriu është i qetë

Veriu i Republikës së Kosovës është i qetë!

Derisa na ndajnë pak orë nga verdikti përfundimtar për ish-krerët e UÇK-së, situata në katër komunat veriore me shumicë serbe konsiderohet të jetë stabile.

Në një deklarim për IndeksOnline, zëvendëskomandanti i policisë në veri, Veton Elshani, ka konfirmuar se situata në këtë rajon është e qetë.

“Situata është e qetë dhe stabile.

Konsiderojmë që kështu ka me qenë edhe nesër” ka thënë Elshani.

Kujtojmë se nesër, me fillim nga ora 10, nis seanca që do të shqiptojë verdiktin e trupit gjykues ndaj ish-krerëve të Ushtrisë Çlirimtare, Hashim Thaçi, Rexhep Selimi, Jakup Krasniqi e Kadri Veseli.