Ish-deputeti i Aleancës, Pal Lekaj i ka reaguar Artna Rizvanollt pas postimit të saj në lidhje me vagonët e trainkos,-it, shkruan GazetaDemos.
Lekaj tha se do ta padis Artana Rizvanollin për shpifje.
"Qeveria Haradinaj është votuar më 9 shtator 2017, ndërsa unë zyrtarisht e kam marrë detyrën e Ministrit më 11 shtator 2017.Prandaj, deklaratat dhe akuzat tuaja ndaj meje, se kinse kam dhënë tender një kompanie serbe, janë të pavërteta dhe cenojnë rëndë reputacionin tim", u shpreh Lekaj.
Postimi i plotë:
Artane Rizvanolli, do t’ju padis për shpifje!
Qeveria Haradinaj është votuar më 9 shtator 2017, ndërsa unë zyrtarisht e kam marrë detyrën e Ministrit më 11 shtator 2017.
Prandaj, deklaratat dhe akuzat tuaja ndaj meje, se kinse kam dhënë tender një kompanie serbe, janë të pavërteta dhe cenojnë rëndë reputacionin tim.
Për këto deklarata do t’u drejtohemi organeve të drejtësisë dhe do të kërkojmë përgjegjësi ligjore për shpifje.
Kjo fushatë ndaj meje është e orkestruar dhe ka prapavijë të qartë politike. Faktet dhe dokumentet do ta dëshmojnë të vërtetën.
Regjimit Kurti po i vjen fundi. E vërteta nuk mbulohet me propagandë!
