Në Qëndrën Komunale të Numërimit në Deçan ka përfunduar numërimi i votave të kandidatëve për Kuvendin Komunal, teksa rezultatet preliminare janë publikuar nga Komisioni Qendror i Zgjedhjeve.
AAK prin si parti e parë me 51.47 përqind, pasuar nga LDK me 26.24 përqind, Iniciativa Demokracia me 11.29 përqind dhe Lëvizja Vetëvendosje me 4.97 përqind.
Nga lista e AAK’së, më i votuari është Hajdar Sutaj si bartës liste me 7 mijë e 361 vota. Pas tij, katër më të votuarit janë Sami Cacaj me 911 vota, Rifat Stojkaj me 861 vota, Armen Loshaj me 503 vota dhe Adriatik Alaj me 503, shkruan Reporteri.net.
Si bartës liste, Hyri Dobrunaj renditet i pari në listën e LDK’së me 3 mijë e 753 vota. Katër më të votuarit pas tij janë Vatan Istrefaj me 531 vota, Ndriçim Çekaj me 419 vota dhe Ardian Binakaj me 366 vota.